Aurrera goaz

8. SAIOA - Apirilak 25

Gure hitz egiteko guneak aurrera jarraitzen dute eta maiatzaren 2an hamargarren saiora heldu ginen. Apirilaren lehenengo egunetan ZOOM plataformaren bidez hasi ginen elkarrekin hitz egiten eta etengabeak izan dira gure saioak, eta denok parte hartu izan dugu, bakoitzaren ahalmenaren arabera.

9. SAIOA - Apirilak 28

Bestalde, talde berri bat sortzen ari gara. Taldea osatzeko eta talde horren partaide sentitzeko, lehenik eta behin geure buruak aurkeztu behar izaten ditugu. Hau da, nor garen besteei kontatzen diegu, gure zaletasunak, ohiturak eta abar azalduz tantaz tanta. Horrela, bakoitzaren gustuak, ekintzak eta proiektuak ezagutzen ari gara; eta haien artean:

…bertsolaritza zaletasuna,

olerki eta liburuen sormena,

kantak eta patchwork eskulanak,

“asko maite zaitut” bloga Alemanian,

bingoak euskaraz Zarrakaztelun, 

etorkizun berri bat  Euskal Herrian,

“harri mugikorra”, izadiaren misterioren bat, Tandilen,

txirringaz egiten diren bidaiak kanta ederrekin josita,

euskal abestiak marrazkietan ezkutatuak,

txorien ikerketak eta udaltzainen lana,

San Nicolaseko euskal etxeko hitzaldiak,

euskaldunak Euskal Herritik kanpo

eta abar...

Gainera, taldearen funtzionamendua hobetzeko asmoz, moderatzaile aldaketa egitea erabaki genuen. Beraz, saio bakoitzean moderatzaile berri bat izaten dugu. Hori dela eta, zortzigarren saioan Marijerekin aurkezpenak oso modu atseginean egin genituen. Bestalde, omenaldi moduan, Gernikaren bonbardaketaren 83. urteurrena gogoratuz, “Gernikako arbola” elkarrekin abestu genuen.

Bederatzigarren saioan Bati izan genuen moderatzaile eta bere gitarrarekin etorri zitzaigun. Denok gure kanta edota asmatutako bertsoak abestu genituen; haien artean, abesti ezagunak: Lehenengo ikasgaia, Bagare, Loretxoa, Baga higa biga, Donostiako martxa, haur kanta bat, Esperantza bizitzarentzat olerkia, besteak beste.

Eta hamargarren saioan, Ainararen eskutik, olerki saioa izan genuen, te literario moduan. Bakoitzak bere gustuko olerki bat irakurri genuen eta bukatzeko, denon artean olerki bat osatu genuen.

Hona hemen taldean egindako olerkia:

OLERKI KATEATUA

Haurretan bihotza

bihotzean mundua.

Munduan injustizia

injustiziaren atzean boterea

boterean erregeak

10. SAIOA - Apirilak 2

erregeak Versaillesen

Versaillesen pobreak.

Nere etxe pobrea, erregeena baino hobea

hobea sinesgaitza

sinesgaitzean maitasuna

maitasunean euskara

euskaran guztiok

guztion hegalak

hegaletan askatasuna.

Olerkariak:

Luis Betanzos, Aniceto Ajuriagogeaskoa, Gotzon Batikon,

Miguel Gonzalez, Valeria Oyarzabal, Ines Castiella, 

Oier Saratsua, Beatriz Poume, Raul Alfaro, 

Leire Zabala, Andrea Bella, Ainara Maia

Batzen gaituena, maite duguna, maite dugulako, EUSKARA